Aurtengo suak "bereziki onak" izan direla nabarmendu du Alfonso Gurpegi Donostiako Jai zinegotziak: "Ohiko bilakatu da Donostiako nazioarteko lehiaketan kalitate handiko suak ikustea, baina aurten apur bat urrunago joan gara", nabarmendu du Gurpegik. Horiek hala, eta lehen saria nori eman zalantzan ibili diren arren, Valentziako Europla etxearentzat izan da azkenean.
Bigarren saria, berriz, erdibitu egin behar izan dute. Erdi bat Valentziara joan da Pirotecnia Valencianaren eskutik. Bestea, berriz, Italiako Perente Fireworksentzat izan da.
Gaur, jaiei amaiera emateko, Ricasa etxeak eskainiko du ikuskizuna. Berezia izango da, suak eta musika uztartuko baitituzte. Lehikaten maskor gehien irabazi dituen su etxea da Valentziako hau.
