Cristina Uriarte Eusko Jaurlaritzako Hezkuntza sailburuak hezkuntza erreforma negoziatzen jarraitzeko borondatea berretsi du, lege aldaketa horrek aurrera egin ez dezala espero duela gaineratu duen arren. Ordea, sailburuak ez du eskatuko lege aldaketa bertan behera uzteko, EH Bilduk eta PSE-EEk keinu hori sutsuki eskatu dioten arren Eusko Legebiltzarreko Hezkuntza Batzordean egindako agerraldian.
Espainiako Hezkuntza Ministerioak hezkuntza erreformaren hirugarren zirriborroa egin berri duela jakinarazi du Uriarte, eta bertan itxaropena izateko moduko aldaketa batzuk daudela gaineratu du. Hezkuntzan hizkuntzek izan behar duten trataerei buruzko aldaketak daudela azaldu du, Eusko Jaurlaritzak eskatutako irizpidera "urrats bat" eginez. EH Bilduk salatu du aldaketa horiek "makillaje hutsa" direla.
