WIFI KONEXIOA, GAIXOEN OHERAINO

Nafarroan ospitaleratuta dauden gaixoen egoera aztertzen duten medikuek ez dute papera eta boligrafoa eraman beharko aurrerantzean. Interneterako wifi konexioak baliatzeko gai den ordenagailu batekin gaixoaren historia klinikoa ikusi, eta haren gelan bertan gaurkotu ahal izango dute, atzotik wifi konexioa erabili baitaiteke Osasunbideko ospitaleetan. Nafarroako arreta espezializatuko 4.500 langilek erabiltzen dute sistema hori dagoeneko.