Windows 8 sistema eragilea eta Office suitea euskaratzeko aukera jarri dute Microsoft enpresak eta Eusko Jaurlaritzak. Aplikazio horien bertsio zaharragoekin egin zuten bezala, elkarlanean jardun dute euskaratzeko interfatzea sortzeko. Interneten eskura dago, dohainik.
Patxi Baztarrika Hizkuntza Politikarako sailburuordeak esan du aukera hori aprobetxatzea dela gakoa orain. "Teknologia horiek euskararako baliatzea oso garrantzitsua da. Ez teknologia horietan nolabait egotea komenigarria delako, baizik eta nahitaezkoa duelako euskarak teknologia horietaz ere baliatzea".
Gaztetxoek teknologia berrietarako duten sarbidea aintzat hartuta, Baztarrikak nabarmendu du horietan euskaraz jarduteko modua jartzea ezinbestekoa dela. "Eskola umeak ordenagailu eta gailu mugikorrak naturaltasunez euskaraz erabiltzen hastea oso garrantzitsua da".
