Xabier Agirre Arabako ahaldun nagusi ohiak batzarkide izateari utzi dio, gaur jakin denez, eta EAJko batzarkideen aholkulari izango da aurrerantzean. Andoni Erkiagak hartuko du haren lekua Arabako Batzar Nagusietan.
2007tik 2011ra izan zen ahaldun nagusi Agirre, EAJtik. Bere ibilbide politikoan, besteak beste, eusko legebiltzarkidea izan da bi legealditan, EAJko Araba Buru Batzarreko lehendakaria, Euskadi Buru Batzarreko idazkari eta bozeramailea, eta Eusko Jaurlaritzako Herrizaingoko sailburuordea.
