=lEuskaltzaindiak==http://www.euskaltzaindia.org/ gaur iragarri duenez, Xarles Bidegain (Baiona, 1947) proposatu dute euskaltzain oso izateko. 31. domina-hutsartea beteko luke hark, eta Piarres Xarriton, Jean Haritxelar, Joseba Lakarra eta Beñat Oihartzabal euskaltzain osoek egin dute, hain zuzen, proposamena gaur, Euskaltzaindiak Donostian egindako batzarrean. Martxoko osoko batzarrean egingo dute bozketa.
Txomin Peillen euskaltzain emeritu izatearen ondorioz sortu den hutsunea betetzeko hautagaiak aurkezteko azken aukera izan dute gaur. Azaroaren 30ean izendatu zuen Euskaltzaindiak euskaltzain emeritu Peillen. Horren ondorioz, 2008ko abenduaren 19an, Pasaian (Gipuzkoa) egindako osoko batzarrean, 31. domina-hutsartea aldarrikatu zuen erakundeak.
Letretan doktorea da Bidegain; euskal literatura eta euskal mintzairaren katedraduna, Paueko (Frantzia) eta Aturrialdeko Unibertsitatean. Euskaltzaindiaren Atlasgintza lantaldeko arduraduna da, Gotzon Aurrekoetxearekin batera, eta Hiztegi Batuko lantaldeko kidea. Lau liburu argitaratu ditu; azkena, 2002an, Izendegia.
2006an ere proposatu zuten euskaltzain oso izateko -Haritxelar, Xarriton eta Emile Larrek-, Andoni Sagarnarekin batera -hau Mikel Zalbide, Bernardo Atxaga eta Adolfo Arejitak-. Euskaltzaindiak Sagarnaren alde egin zuen.
Euskara
Xarles Bidegain proposatu dute euskaltzain oso izateko
Txomin Peillen euskaltzain emeritu izatearen ondorioz sortu den hutsunea beteko luke. Bozketa, Euskaltzaindiaren martxoko osoko batzarrean. 2006an ere proposatu zuten.
Iruzkinak
Ez dago iruzkinik
Ordenatu
