Jakina zen Yolanda Barcina ez zela aurkeztuko UPNko presidente kargurako, baina uste baino lehenago eman du dimisioa. UPNren batzorde exekutiboak osteguneroko bilera zuen gaur, eta amaitu baino lehen iragarri du alderdiak Barcinak agerraldia egingo zuela 20:00etan. Dimisioa emateko izan da.
Alderdiak "lanaldi osoz" ariko den presidente bat behar duela esan du Barcinak, eta horregatik eman duela dimisioa —unibertsitatean zeukan postura bueltatu baita bera—. Antonio Solak ordezkatuko du, oraingoz. UPNko presidenteordea zen, orain arte.
