Estatuaren egoerari buruzko eztabaida
Zapaterok ETArekin hitz egiteko "inongo biderik" ez dagoela dio
Jose Luis Rodriguez Zapatero Espainiako presidenteak ETArekin hitz egiteko "inongo biderik" ez dagoela esan du Espainiako kongresuan, Estauaren egoerarik buruzko eztabaidan. "Mehatxuen aurrean gogor" ariko dela esan du Zapaterok eta gainerako alderdi politikoei laguntza eskatu die.
"Terroristak ez ditugu, ez orain ez inoiz, gure banatzearekin sarituko", esanez hasi zuen presidenteak Estatuaren egoerari buruzko eztabaida. ETA "garaitzea" dela helburu nagusia nabarmendu zuen. Era berean, su-etenaren garaian ETArekin zergatik bildu zen justifikatu nahi izan zuen. "Biziak salbatzeko aukera bakar bat egon den mementoan hura aprobetxatzen saiatu naiz", azaldu zuen. Alabaina, une horietan ere, "terrorismoaren aurkako oinarri nagusiak" indarrean egon direla nabarmendu zuen. Poliziaren eraginkortasuna, justizia, kartzela politika, nazioarteko lankidetza eta biktimen aintzatespena aipatu zituen.
Iruzkinak
Ez dago iruzkinik
Ordenatu
