Zarauzko (Gipuzkoa) Putzuzulo gaztetxean indarrez sartu dira bi aldiz hiru egunetan. Gaztetxeko kideek azaldu dutenez, joan den asteazken gauean eta ostiral gauean gertatu ziren erasoak. Sartu ziren lehenengo aldian gaztetxeko materiala «hankaz gora» jarri eta hondatu zutela kontatu dute; eta ostiraleko erasoan, berriz, bigarren pisuko leiho oso bat eraitsi dute. Gertaerak salatzeko elkarretaratzea egingo dute gaur Zarauzko Udaletxe plazan, 19.00etan.
🔴 PUTZUZULORI ERASO EGIN DIOTE BART
— Putzuzulo Gaztetxia (@PutzuzuloGtx) July 15, 2021
Gaztetxera indarrez sartu ziren atzo gauean. Ez da lapurreta bat izan; barruan zegoen materiala hankaz gora jarri, hainbat eragileren materiala hondatu eta Gaztetxe kanpora atera dute. pic.twitter.com/o8mZvr5b8k
🔴 BERRIZ EGIN DIOTE ERASO PUTZUZULORI
— Putzuzulo Gaztetxia (@PutzuzuloGtx) July 19, 2021
Asteazken gauean bezala, ostiralean ere indarrez sartu ziren Gaztetxera. Ostiral gauekoa ere ez da lapurreta bat izan: bigarren pisuko leiho bat osorik eraitsi dute, eta propagandarako materiala nahasten ere ibili dira. pic.twitter.com/UE2KApDO8t
