Zarauzko osoko bilkuran euskara «zentzugabea»

Carmen Busca Zarauzko (Gipuzkoa) PPko zinegotziak euskaraz aritzea «zentzugabea» dela esan zuen Zarauzko Udalak atzo goizean egin zuen osoko bilkuran. Zinegotziarentzat itzultzaile lanak egiten dituen pertsona ez zen azaldu udalbatzarrera. Ondorioz, zinegotzi batzuek gaztelaniaz hitz egin zuten eta euskaraz egin zutenek hitzak gaztelaniara itzuli zituzten ondoren. Horrela jardutea «zentzugabea» zela esan zuen Buscak: «Gaztelaniaz arituz gero guztiok ulertuko genuke eta bilera lehenago amaituko litzateke».