Zazpi urteko espetxe zigorra jarri diote Beirieri

Paris Lorentxa Beirie euskal presoari zazpi urteko espetxe zigorra jarri dio Parisko Zigor Auzitegi bereziak. Rosesen (Girona, Katalunia) polizia bat hil zuten atentatuan konplize izatea egotzi dio. Beiriek zazpi urte daramatza preso, eta epaitzen duten seigarren aldia da. 25 urteko zigorra zuen aurretik. Defentsaren arabera, torturapean eginiko deklarazioak dira haren kontrako «froga» bakarra.