Donostiako gizon bat zigortu dute zazpi urte eta hamar hilabeteko espetxe zigorrera emazteari tratu txarrak emateagatik. Emaztearekin eta bien seme-alabekin komunikatzeko debekua ezarri diote, baita haiengana hurbiltzea ere, hamabost urte eta hamar hilabetetarako.
Gizona bizkartzaina da, eta zentzu horretan, armak edukitzeko eta erabiltzeko debekua ezarri diote hemezortzi urtetarako; bizkartzain gisa jardutea debekatu diote, baita armen erabilerarekin zerikusia duen edozein lanbidetan jardutekoa ere, hiru urte eta hamar hilabetetarako.
