500 lagun inguru bildu ziren atzo Baionan, Japoniako Fukushimako zentral nuklearrean hondamendia izan eta urtebetera. Bizi! mugimenduak zentral nuklearren aurkako giza katea antolatu zuen, eta besteak beste, Santa Maria de Garoña zentral nuklearra (Burgos, Espainia) ixteko eskatu zuten.
Garoña ixteko agindua baliogabetu egin nahi du Espainiako Gobernuak.
Sabrina Raveta Bizi! mugimenduaren bozeramaileak esan zuen Fukushimako hondamenak erakusten duela "arrisku nuklearra ez zela ekologista batzuren asmakizuna", eta aurrean "mehatxu larri bat" dagoela ohartarazi zuen. "Haren kontaketa serioski aintzinatua da; petrolioa, gasa, lapitz gasa eta ikatza bezalako energia fosilak egunero gero eta gehiago erretzen dira", esan zuen Ravetak.
Bizi! mugimenduak "trantsizio politika haundi nahi" batera deitu du, "berotegi efektuzko gasen isurketaren errotik ttipitzeko, nuklearretik ateratzeko eta energia ereduz aldatzeko datozen urteetan".
Bizi!-k adierazi du parlamentuko hautagaiei zehazki galdetuko diela halako politika baten osagarri izango liratekeen neurriei buruzko iritzia.
