EITBk bere oharrean adierazi du zer egin behar den bihartik aurrera EITBren seinale digitala jasotzeko. Aste batzuez ETB1en seinale analogikoari eutsiko badiote ere, bihartik aurrera beharrezkoa izango da Iruñerrian telebistak berriro sintonizatzea. LTD bidez telebista jasotzen duten etxeetan, alegia etxe gehienetan, arazorik gabe bersintonizatu ahal izango da. Bestelako kasuetan, ordea, antenistarekin harremanetan jarri beharko da.
Argibide gehiago nahi izatekotan, Eitb.com-en bilatu daitezke: Erreniaga eta San Cristobaleko hedapen zentroek biltzen dituzten herrien zerrenda argitaratuko dute hor. Horrez gain, LTD bidez EITBko telebista eta irratiak hartzeko informazioa emango da, eta erabiltzaileen zalantzei erantzungo zaie posta elektronikoaren bidez.
