ZEZENKETEN AURKAKO PROTESTA

Donostiako Aste Nagusian izan diren zezenketak salatzeko, hainbat lagun etzan ziren igandean Kontxako hondartzan protesta egiteko, odoldutako banderillak bizkarrean sartuta. AnimaNaturalis taldeko kideen helburua animalien eskubideak defendatzea da. Zezenketak «krudelak» direla eta krisi garaian diru publikoa «xahutzeko» baino ez dutela balio adierazi du Leire Elosegi taldeko bozeramaileak. Bilbon ere zezenketen aurka protesta egin zuten herenegun.