Juan Luis Ibarra EAEko Auzitegi Nagusiko presidenteak esan du legez ezin dela epaituta dagoen delitu bat edo preso bati ezarritako zigorra aldatu, baina zigorrak betetzeko modua aldagarria dela esan du. Egungo egoera politikoan euskal presoentzat irtenbide bat emateko aukeraz mintzatu da Ibarra, eta amnistia bat ematea ez litzatekeela biktimekiko bidezkoa gaineratu du, horrek, bere hitzetan, ahaztea ekarriko lukeelako.
Arnaldo Otegik Bateragune auzian jaso zuen espetxe zigorraz Epaitegi Gorenak zer dioen itxaron nahi duela esan du. "Gero ikusiko dugu zigor baten aplikazioan zigortuaren baldintza pertsonalak eragiten duten, horiek herritar zintzo bat dela erakusten badute", zehaztu du.
