Istripua
Zikloturista bat hilda aurkitu dute Ean
Ertzaintzak zikloturista bat aurkitu du hilda Ean (Bizkaia), bide ertzean. Ez dakite heriotza zerk eragin duen, eta ezta hildakoa zein den ere. Horregaitik, Ertzaintzak herritarren laguntza eskatu du hildakoa nor den jakiteko. 50bat urteko gizon bat da, begi urdinekin.
Eguerdi aldean aurkitu du ertzain batek zikloturista hilda bide ertzean. Hildakoak ez zeraman inolako identifikaziorik, eta beraz, nor den jakiteko zailtasunak dituzte. Zerbait jakin dezaketenek 946 270 500 telefono zenbakira deitzeko esan dute, Ertzaintzaren Gernikako komisaldegia da.
Iruzkinak
Ez dago iruzkinik
Ordenatu
