Zornotzako erasoan parte hartzeagatik adin nagusiko hiru gazte atxilotu zituzten, eta horietatik bi kartzelara sartzeko agindu du epaileak gaur. Hirugarrena aske utzi dute, kautela neurriekin. Epailearen aurretik berriro ere igaro beharko du.
Hasieran, zortzi pertsona atxilotu zituzten, baina horietako bost adingabeak zirenez, fiskaltzaren eskuetan geratuko dira. Beste hiru gazteek Durangoko epaitegian deklaratu dute gaur goizean.
