11:00ak aldera jaso du oharra SOS Deiak larrialdi zerbitzuak, eta 15:30ak ingururako sua itzaltzea lortu dute. Jaizkibelen, Pasaia inguruan (Gipuzkoa) gertatu da, eta zortzi hektarea inguru erre ditu. Europapress agentziak zabaldutakoaren arabera, gaizki kontrolatutako uztondoen erreketa baten ondorioz zabaldu da sua.
Erretako eremuaren gehiengoa otadia zen. Hamabi lagun inguruk parte hartu dute itzaltze lanetan, eta talde bat zaintza lanak egiten gelditu da.
