Bizilagunak, kea ateratzen ikusi, eta ate-joka hasi dira 08:50ean, Burlatako Ezpondoa kaleko etxebizitza batean. Emakume bat atera da handik korrika, lauzpabost urteko semearekin, baina zortzi hilabetekoa beste gela batean zegoen, sehaskan. Suhiltzaileak iritsi arte ezin izan dute umea atera. Keak ia itota, konorterik gabe atera dute, baina oxigenoa jarri, eta lortu dute suspertzea. Larri eraman dute Nafarroako ospitalera.
Sutea zerk eragin duen aztertzen ari dira.
