Ordubete inguruan itzali dute sua hara joan diren suhiltzaileek, baina, ke asko zabaldu denez, hura arnastuta ondoezik zeudenak erietxera eraman dituzte.
Zumarragako (Gipuzkoa) Lamorous-Argixao geriatrikotik 23 pertsona atera dituzte, eta haietatik hamazazpi ospitalera eraman dituzte. Donostia, Mendaro, Arrasate eta Zumarragako ospitaleetara, hain justu. Inor ez dago larri. Zumarragara eraman dituzten zortzitik bosti, adibidez, senda agiria eman diete jada.
