Alphagalileo ikerketei buruzko web orria itzuli du Elhuyarrek

Alphagalileo Europako ikerketaren berri ematen duen web orria (www.alphagalileo.org) euskarara eta gaztelaniara itzuli du Elhuyar Fundazioak. 2003ko otsailetik, Alphagalileoko euskal ordezkaria da Elhuyar.

Alphagalileo Europako ikerketen berri zabaltzeko sortu zuen Erresuma Batuko British Association elkarteak, Europan egiten den lanaren erakusleiho izateko. Egun, 4.330 kazetarik eta 1.712 berriemailek dute Alphagalileon izena emana. Bestalde, webgunean, 15.000 berri inguru, 3.000 ekitaldi eta 200 liburu daude kontsultagai. Elhuyar Fundazioak Euskal Herriko ikerketa lana zabaltzeko sortu zuen Basque Research (www.basqueresearch.com) atariko berriak ere argitaratzen ditu Alphagalileok. Modu horretan, oihartzun handia lortu dute gurean egindako ikerketa lan askok.