Amazonia babesteko neurriak hartzeko eskatu die WWFk Brasilgo agintariei

Naturarentzako Mundu Funtsak (WWF) Amazoniako «hondamendia» geldiarazteko eskatu dio Brasilgo Gobernuari. Herrialde horretako Zientzia eta Espazioari buruzko Institutu Nazionalak atzo jakinarazi zuenez, iaz 23.000 kilometro karratu baino gehiago suntsitu zituzten. WWFren arabera, zenbait eskualdetako landare eta animalien egoera «oso larria» da eta Gobernuaren esku dago ingurune horiek «behar bezala babestea».