Kaliforniako (Estatu Batuak) fiskal nagusiak bikote homosexualen ezkontzak geldiarazteko egindako eskaerari ezetz erantzun zion atzo Auzitegi Gorenak. Duela bi aste baimendu zituen San Frantziskoko Udalak bikote homosexualen ezkontzak, eta ordutik, 3.400 bikote ezkondu ditu.
New Yorkeko estatuko New Paltz herriko Udalak, bestalde, San Frantziskokoak zabaldutako bideari jarraitu dio eta astebetean, 21 bikote ezkondu ditu. Jason West New Paltzeko alkate gazteak 26 urte ditu Konstituzioak diskriminazioa baztertzen duela esanez erantzun die kontra agertu direnei. «Konstituzioak eskubide berberak aitortzen dizkigu banako guztioi eta, beraz, ezkontza horiek legezkoak dira», adierazi zuen Westek.
GIZA ESKUBIDEAK
Gorenak ez ditu debekatu bikote homosexualen ezkontzak Kalifornian
Iruzkinak
Ez dago iruzkinik
Ordenatu
