Siria, Irak eta Afganistangoak dira gehienak, baina ez guztiak. Gerratik ihesi batzuk, miseriatik edo jazarpenetik besteak... guztiek dute bizimodu hobea amets. Europak, ordea, ateak itxi dizkie. Gutxi batzuk soilik hartuko ditu ihesi datozen milaka horietatik. Baina hartuko dituela esan dituen horiek ere ez dira iristen.
EBk eta Turkiak eginiko itunak Greziako bidea itxi die iheslariei, baina ez du baretu haien estutasuna. Nazioarteko erakundeek ohartarazi dute beste ibilbide batzuk hasi direla erabiltzen, askoz ere arriskutsuagoak.
Mediterraneoan iheslariak erreskatatzen ditu Habibek MSFren ontzian. Jatekoa eta edatekoa eskaintzeaz gainera, tratu atsegina ere ematen diete: «Ahaztua dute zer den duintasunez tratatuak izatea».
NBEk zalantzak agertu ditu berriz Europako Batasunak eta Turkiak errefuxiatuen auzian egindako akordioaren legezkotasunari buruz. EBk iaz hitzartutako 160.000tik soilik 1.500i eman die babesa.
Berria 
