15 aldiz galdu du Mestallan azkeneko 20 urteetan

ATHLETIC. Ez da Mestalla estadio ona Athleticentzat, Espainiako Ligako partidei dagokienez. Estatistikak argigarriak dira: azken hogei urteetan hamabost aldiz jokatu du Valentziaren estadioan, eta hamabost aldiz itzuli da esku hutsik Bilbora, lau aldiz puntu bakar batekin, eta behin hiru punturekin. Talde zuri-gorriak orain ia hiru urte irabazi zuen azken aldiz Valentzian. 0-3 nagusitu zen Yestek eta Fernando Llorentek sartutako golei esker -aurrelariak bi sartu zituen-. Azken bi sasoietan, berriz, 2-0 galdu du Athleticek. Larunbat honetan bolada txar hori amaitu nahi dute zuri-gorriek.