Partida defentsiboa egin du Miarritzek. Baloiaren jabetza eurena izan da, eta, halaber, Tolosaren zelai zatiaren jokatu da norgehiagokaren zati handi bat, baina tantoak egiten ez dute asmatu. Funtsean, lapurtarrek ezin izan dute Tolosa mendean hartu.
Atsedenera, 9-3 emaitzarekin heldu dira, Tolosa aurretik. Gero, bigarren zatian, ematen zuen Miarritzek izango zuela norgehiagoka irabazteko aukera, une batean, Bidaberen entsegu bat tarteko, markagailuan aurretik jarri baitira (9-11). Azkenean, ordea, Tolosa nagusitu da eta hark jokatuko du finala.
Errugbia / Europako Heineken Kopako finalerdia
19-11ko emaitzarekin, finalean sartzeko aukera galdu du Miarritzek
Miarritzeko lapurtarrek gogor borrokatu dute Bordelen Europako Heineken Kopako finalerdiko partidan Tolosa mendean hartzeko, baina ezin izan dute. Bigarren zatiko une batean ematen zuen Miarritzek finalerako txartela eskuratuko zuela, markagailuan Tolosaren aurretik jarri baitira, baina, azkenean, 19-11ko emaitzarekin, lehiaketatik kanpo geratu dira.
Iruzkinak
Ez dago iruzkinik
Ordenatu
