Anoetan izango da partida, eta laugarren aldiz jokatuko du zelai horretan euskal selekzioak. Gaur aurkeztu dute partida; data jakina zen, hilaren 29a, baina gaur jakinarazi dute ordua: 20:00ak.
Anoetako txarteldegietan izango dira salgai sarrerak, hilaren 26tik 29ra bitartean. Arabako eta Bizkaiko futbol federazioen egoitzetan ere salduko dituzte, eta baita Euskadiko Futbol Federaziokoan ere. Hamabost eta 25 euro bitarteko prezioa izango dute, eta Realeko bazkideek hiru euroko deskontua izango dute. Horretarako, Realaren webgunean erosi behar izango dituzte sarrerak.
