2013an World Tourreko taldea izango da Euskaltel

Txirrindularitzaren Nazioarteko Batasunak (UCI) gaur arratsaldean jakinarazi du Euskaltel maila goreneko taldea izango dela 2013an. Ondorengoak dira 15 taldeak: Ag2r, Astana, BMC, Cannondale, Euskaltel, Garmin, Lampre, Katuxa, Movistar, Omega Pharma, Greenedge, Rabobank, RadioShack, Sky eta Vacansoleil. 16. postutik 20.era ondorengoak geratu dira, hurrenez hurren: Argos-Shimano, Lotto, FDJ, Europcar eta Saxo Bank. Horien arean egongo dira azken hiru plazak. Behin 15 onenen artean lekua ziurtatuta, World Tourreko lizentzia eskuratu beharko du orain Euskaltelek. Ondo bidean, ez luke arazorik behar 2013rako lizentzia hori eskuratzeko. Azterketa administratibo, etiko eta ekonomikoa igaro beharko du talde laranjak lau urterako lizentzia jasotzeko.