22 txirrindulari dauzka jada Movistar taldeak

Eusebio Unzuek osatu du datorren denboraldirako taldearen bizkarrezurra. Gaur-gaurkoz 2011rako 22 txirrindulari dauzka Movistar taldeak, eta 23 behar dira gutxienez Pro Tourrean aritzeko. 22 txirrindulari horietatik hamabost Caisse d'Epargnekoak dira, eta, oraingoz, lau euskal herritar daude taldean: Imanol Erbiti, Txente Garcia, David Lopez eta Beñat Intxausti.