Aduriz: «Lehia berezia izango da larunbatekoa»

ATHLETIC. Aritz Adurizentzat «berezia» izango da Athleticek larunbatean Mestallan Valentziaren aurka jokatuko duen partida. Aurrelariak bi sasoi egin zituen Valentzian. Hasieratik «oso ondo» hartu zuten taldean, eta «oso lagun onak» egin zituen. Neurketari dagokionez, Adurizek esan zuen «partida gogorra» izango dela eta «aukera ona» dela Athleticek duen mailaren berri izateko.