Athleticek 137 sarrera salgai ipini ditu gaur, Athletic-Sporting Lisboa Europako Ligako finalerdietako itzuliko partida ikusteko, eta guztiak agortu dira. Bihar jokatuko da itzulikoa, 21:05ean, San Mamesen (Espainiako C+). Joanekoan 2-1 irabazi zuen Sportingek.
Europako Ligako finalera sailkatzeko aukeraren aurrean, Athleticek finalerako sarrerak eskatzeko epea zabaldu du, "UEFAren gomendioak betetzeko eta epe laburra kontuan hartuta". Finala maiatzaren 9an izango da, Bukaresten. Athleticek 9.000 sarrera izango ditu finalerako. Horietatik 7.650 klubeko bazkideentzat izango dira eta gainerako 1.350ak Athleticek erakunde, kirol elkarte, babesle eta laguntzaileekin dituen konpromisoentzat.
Noiz eta nola eskatu Europako Ligako finaleko sarrera
Larunbatera artean eska daiteke —larunbatean barne—, 08:00etatik 20:00etara: www.athletic-club.net webean edo 94 405 05 15 telefono zenbakira deituta. Informazio gehiago.
