Agortu dira Irujo-Olaizola II.a finaleko sarrerak

Juan Martinez Irujok eta Aimar Olaizola Olaizola II.a-k abenduaren 8an (astelehena; jai eguna izango da) jokatuko dute Lehen Mailako Lau t'erdiko Txapelketako finala, Donostian, Atano III.a pilotalekuan, eta sarrerak dagoeneko agortu dira. Gaur atera dituzte salgai. Kantxako sarrerak, esaterako, 120 euro balio ditu.

Irujok eta Olaizola II.ak igandean lortu zuten txartela, Gasteizen -Ogetan-, bien arteko partidan. Aurrenak partida irabazi beharra zeukan finalean izateko eta bigarrenak gutxienez sei tanto egin behar zituen. 22-17 irabazi zuen Irujok.

Augusto Ibañez Titin III.a da gaurko txapelduna lau t'erdikoan.