Aitzol Atutxa garaile Urrezko Aizkolarien Kopan

AIZKORA. Atzetik aurrerako lan bikaina eginda, Aitzol Atutxa bizkaitarrak irabazi zuen atzo Urrezko Aizkolarien Kopako finala. Floren Nazabal nafarra alde politarekin iritsi zen azken lau enborretara, baina egurrak erabakigarriak izan ziren. Adar tartean ezinean, minutu eta erdiko aldea lortu zuen azkenean Atutxak. Unai Otaño gipuzkoarrak amaitu zuen hirugarren.