Akordiorik lortu ezinda jarraitzen dute NBAn

SASKIBALOIA. Konponbidea hurbil zegoelakoan bildu ziren herenegun NBAko jabeak eta jokalarien sindikatuko ordezkariak, baina konponbiderik gabe eta harremanak etenda irten ziren bileratik. Irabazien banaketan egon da oraingoan oztoporik handiena. Irabaziak erdi bana egitea proposatzen dute NBAko jabeek, baina jokalariak ez daude prest %52tik jaisteko. Ez dute beste bilera baterako egunik ere jarri.