Alberto Contador txirrindulari espainiarrak Saxo Bank taldean egingo ditu datozen bi urteak, Bjarne Riisen esanetara. Hurrengo urtean Sungard Saxo Bank izango du izena taldeak.
Bjarne Riisek, aurten, Frank Schleck eta Andy Schleck anaiak izan ditu bere aginduetara. Andy Schleckek bigarren amaitu zuen azkeneko Frantziako Tourra, eta uste izatekoa da, Alberto Contadorrek Saxo Bank taldearekin fitxatu ondoren, Schleck anaiek beste talde bat bilatuko dutela. Zaila baita Tourra irabazteko bi hautagai talde berean izatea.
Riis oso pozik agertu da "munduko txirrindularirik onena" baita Contador. Eta gehitu du Alberto Contadorren nahia "Tourra, Vuelta eta Giroa urte berean irabaztea" dela.
Alberto Contadorrek Frantziako hiru Tour irabazi ditu, azkenekoa, aurten, Astana taldearekin. Espainiako Vuelta bat eta Italiako Giro bat ere irabaziak ditu.
Txirrindularitza
Alberto Contador Saxo Bankera
Frantziako hiru Tourren irabazlea, Bjarne Riisen aginduetara izango da hurrengo bi urteetan.
Iruzkinak
Ez dago iruzkinik
Ordenatu
