Alberto Contadorrek, Frantziako Tourra hiru aldiz irabazi duen txirrindulari espainiarrak, ez du kontratua talde kazakhstandarrarekin berrituko. Ez da, beraz, hurrengo urtean Astana taldeko txirrindularia izango.
Astana taldeak eskaintza bat egin zion Alberto Contadorri, eta, aurreko astearterako eskatu zion erantzuteko. Contadorren prentsa arduradunak prentsa ohar batean adierazi du espainiarrak ezezkoa eman diola eskaintza horri. Orain beste eskaintza batzuk aztertzen ari omen da. Horien artean daude Quick Step, Bjarne Riis-en Saxo Bank taldea eta Eusebio Unzue sortu nahiean ari den talde berria.
Alberto Contadorrek Astanarekin palmares aberatsa osatu du; Italiako Giro bat, Espainiako Vuelta bat eta azkeneko Frantziako bi Tour irabazi ditu.
Txirrindularitza
Alberto Contadorrek ez du Astana taldean jarraituko
Iruzkinak
Ez dago iruzkinik
Ordenatu
