Txirrindulariek 16,5 kilometroko erlojupekoa zuten itzuliaren azken etapan. Alberto Contador faborito gisa abiatu da, baina Arrateko igoerak eta euriak baldintza zezaketen etapako sailkapena nahiz sailkapen nagusia. Ez da hala izan; espainiarrak erlojupeko bikaina egin du (29:13), eta aise gainditu ditu Henaok etapa hasieran zituen sei segundoak.
Arrateko gainera iristerako itzuliari kolpea emana zion Contadorrek, 40 bat segundoren aldea atera baitio Henaori. Iaz bezala, Henaok azken erlojupekoan galdu du maillot horia. Etapan hirugarrena izan da kolonbiarra, eta bigarren amaitu du sailkapen nagusian. Podiuma, beraz, Contadorrek, Henaok eta Nairo Quintanak osatu dute. Thibaut Pinot izan da laugarren, eta Joaquim Rodriguez iazko txapelduna bosgarren.
Unai Zubeldiak egin du zuzeneko kontakizuna:
