ALDEA JAN ETA JAN ARI DA COMA

Cyril Despres frantziarrak (KTM) jarraitzen du lider Dakar rallyan motoetan, baina Marc Coma kataluniarrak (KTM) aldea jan eta jan jarraitzen du. Comak berak irabazi zuen atzoko etapa, zazpigarrena —irudian, atzoko etapan—, eta 2.03 minuturen aldea atera zion Despresi. Sailkapen nagusian frantziarrak jarraitzen du lider, Comarekiko 7.48ren aldearekin. Autoetan, Robby Gordon (Hummer) izan zen azkarrena atzo, eta Stephane Peterhanselek (Mini) jarraitzen du lider.