Sasoi amaieran utziko dio Alex Aranzabalek Eibarreko presidente izateari. Urtetan eginiko lanari errepasoa egin, eta futbolaz eta haren eraginaz hitz egin du Aitor Manterola BERRIAko kazetariarekin. Bertan esandakoetako batzuk dira segidakoak:
- "Lan asko egin dugu 11 urte hauetan, eta hori babestu eta zaindu egin behar dugu".
- "Guretzat Ipurua ikono bat da; nolabait esateko, Liverpoolentzat Anfield estadioa denaren antzekoa. Nahi dugu erromesaldi leku bihurtzea".
- "Inork ezin du ulertu Athleticek eta Realak laguntza jasotzea zelaia handitzeko edo berria egiteko, eta guk, txikienak eta pobreenak, laguntzarik ez jasotzea".
