Jokin Altunak nagusitasun handiz irabazi dio Aitor Zubietari, Tolosan, Beotibar pilotalekuan. Emaitza bera da partidaren laburpenik onena: 22-4. Partida kaskarra izan da, 106 pilotakadakoa bakarrik, eta ordu erdi ere iraun ez duena. Altunak min handia egin du saketik —hamar tanto—, eta Zubietak errestoarekin asmatu duenean sake-errematea bilatu du. Zubieta, bitartean, ezinean aritu da. Etxarriko atzelariak parttidaren ondoren adierazi duenez, ez du berriz ere buruz buruko txapelketan parte hartuko.
Altuna III.ak Aimar Olaizolaren aurka jokatuko du final-laurdenetan, larunbat honetan, Iruñean
