Erraz gailendu zaio Jokin Altuna Victorri, lau eta erdiko txapelketarako finalerdietara sailkatzeko neurketa erabakigarrian. Partida berdinduta hasi badute ere, launa berdindu ondoren, 14-4 alde egin du amezketarrak markagailuan. Hortik aurrera, aldeari eutsi dio.
Akats asko egin ditu pilotari errioxarrak. Behartu gabeko pilotak galdu ditu, eta aukerakoetan ez du min egiten asmatu. Altunak nahikoa izan du defentsan ongi artizearekin. Asko arriskatu gabe lortu du partida irabaztea.
Altunaren garaipenarekin, osatuta gelditu da lau eta erdiko txapelketako finalaurrekoen kartela. Altunak eta Bengoetxeak jokatuko dute finalerako txarteletako bat, eta Ezkurdiak eta Urrutikoetxeak bestea.
Pilotari amezketarrak adierazi du gaur baino "gehiago" jokatu beharko duela finalerdietan aurrera egingo badu.
