Andrea Guardinik (Farnese) irabazi du gaur Italiako Giroko 18. etapa, esprintean. Bigarren Mark Cavendish iritsi da. Guardinik 22 urte ditu eta aurtengoa du lehen Giroa. Denboraldi honetako seigarren etapa garaipena lortu du, Italiako itzuliko aurrena.
Stef Clement, Martijn Keizer, Olivier Kaisen eta Mickal Delage etapa hasieratik ihes eginda egon dira, baina tropelak helmugarako oso kilometro gutxi falta zirela harrapatu egin ditu.
Sailkapen nagusian Joaquim Rodriguezek segitzen du lider. Ryder Hesjedal dago bigarren, 30 segundora. Ivan Basso hirugarren, 1.22ra. Michele Scarponi laugarren, 1.36ra. Rigoberto Uran bosgarren, 2.56ra. Beñat Intxausti seigarren, 3.04ra.
Bihar korrituko dute 19. etapa: Treviso-Alpe di Pampeago (198 kilometro). Lehen mailako hiru mendate, bigarrengo bat eta hirugarrengo bat izango dituzte. Lehen mailako batean amaituko da.
Larunbatean ere mendiko etapa izango da —Stelvio gainean bukatuko da—. Igandean amaituko da Giroa, Milanen, 30 kilometroko erlojupekoarekin.
Orain arteko etapak
- 1. etapa: Herning-Herning. Irabazlea: Taylor Phinney. Liderra: Taylor Phinney.
- 2. etapa: Herning-Herning. Irabazlea: Mark Cavendish. Liderra: Taylor Phinney.
- 3. etapa: Horsens-Horsens. Irabazlea: Matthew Goss. Liderra: Taylor Phinney.
- 4. etapa: Verona-Verona. Irabazlea: Garmin taldea. Liderra: Ramunas Navardauskas.
- 5. etapa: Modena-Fano. Irabazlea: Mark Cavendish. Liderra: Ramunas Navardauskas.
- 6. etapa: Urbino-Porto Sant'Elpidio. Irabazlea: Miguel Angel Rubiano. Liderra: Adriano Malori.
- 7. etapa: Recanati-Rocca di Cambio. Irabazlea: Paolo Tiralongo. Liderra: Ryder Hesjedal.
- 8. etapa: Sulmona-Laceno. Irabazlea: Domenico Pozzovivo. Liderra: Ryder Hesjedal.
- 9. etapa: San Giorgio Nel Sannio-Frosinone. Irabazlea: Francisco Ventoso. Liderra: R. Hesjedal.
- 10. etapa: Civitavecchia-Assisi. Irabazlea: Joaquim Rodriguez. Liderra: Joaquim Rodriguez.
- 11. etapa: Assisi-Montecatini Terme. Irabazlea: Roberto Ferrari. Liderra: Joaquim Rodriguez.
- 12. etapa: Seravezza-Sestri Levante. Irabazlea: Lars Ytting Bak. Liderra: Joaquim Rodriguez.
- 13. etapa: Savona-Cervere. Irabazlea: Mark Cavendish. Liderra: Joaquim Rodriguez.
- 14. etapa: Cherasco-Cervinia. Irabazlea: Andrey Amador. Liderra: Ryder Hesjedal.
- 15. etapa: Burso Arsizio-Lecco. Irabazlea: Mateo Rabottini. Liderra: Joaquim Rodriguez.
- 16. etapa: Limone sul Garda-Falzes. Irabazlea: Jon Izagirre. Liderra: Joaquim Rodriguez.
- 17. etapa: Falzes-Cortina d'Ampezzo. Irabazlea: Joaquim Rodriguez. Liderra: Joaquim Rodriguez.
- 18. etapa: San Vito di Vadore-Vedelago. Irabazlea: Andrea Guardini. Liderra: Joaquim Rodriguez.
