Anfield Roadekin ametsetan

Liverpool futbol taldearen web orrian Xabi Alonsoren adierazpenak bildu zituzten atzo. Tolosarraren esanetan, «Liverpool talde handia da, eta edozein jokalarik bertan jokatzea amets egiten du». Talde ingelesean izandako aldaketak direla-eta pena duela ere badio, ordea: «Pena ematen dit Michael Owenen talde berean ez egoteak, baina batzuetan gauzak aldatu egiten dira bizitzan, eta etorkizuna oraindik baikorra da».

Real Madril eta Liverpoolen arteko aukera izan eta Premier league-ra joatea erabaki badu, Liverpoolek interes handiagoa adierazi duelako izan dela dio. Rafa Benitez entrenatzaile ona izateaz gain, taldean lagun giroa sortzen badakiela ere esan du.