Antonio Hidalgo utzita ariko da Osasunan

OSASUNA. Antonio Hidalgok Osasunan jokatuko du denboraldia amaitu bitartean, Zaragozak utzita. Atzo adostu zuten tratua bi klubek. Erasoko jokoan abila da erdilaria, eta golak sartzeko erraztasuna dauka atzetik sartuta. Halakoxe jokalaria behar zuela adierazi izan du Jose Antonio Camachok taldea osatzeko. Zaragozak sasoi honetarako fitxatu zuen Malagan hainbat urtez aritako jokalaria. Bestalde, Osasunak jakinarazi duenez, Sunnyk taldea utz dezake, Ingalaterran baita Portsmouth taldearekin negoziatzen.