Agerraldia egin du Jokin Aperribai Realeko presidenteak, hainbat gairi buruzko azalpenak emateko. Realeko akziodunen batzarra abenduaren 17an egingo dute, eta argitzeko zegoen ea Aperribai eta egungo administrazio kontseilua aurkeztuko ote ziren berriz hauta ditzaten. Gaur uxatu ditu zalantzak Aperribaik, eta baieztatu du bera eta kontseilua "osorik" aurkeztuko direla.
Diru kontuak ere hizpide izan ditu. Jakinarazi du ez dietela kuota igoko bazkideei eta sasoi honetan ez dela klubaren egunik izango. Gainera, Ignacio Serrats kontseiluko kideak azaldu du laugarren urtez jarraian aldeko balantza izan duela klubak kontuetan.
