Aritz Adurizek eta Mikel Balentziagak kontratua berritu dute Athleticekin

FUTBOLA. Aritz Aduriz Athleticeko jokalaria izango da 2016ko ekainaren 30era arte —beste urtebetez luzatzeko aukera egongo da—, eta Mikel Balentziaga 2019ko ekainaren 30era arte. Bi jokalariek atzo luzatu zituzten orain arteko kontratuak. Aurrelariak 36 milioi euroko etete klausula edukiko du —aurtengo ekainean amaitzen zitzaion kontratua—, eta atzelariak 35 milioi eurokoa —2016ra artekoa zeukan—.