USADA AEBetako dopinaren aurkako agentziak Lance Armstrong txirrindulari ohiaren aurkako salaketa aurkeztu du, dopinagatik. Hala baieztatu du txirrindulariak berak ohar baten bidez.
Armstrongi leporatzen zaio 1998. eta 2011. urteen artean EPO substantzia, testosterona eta kortikoideak hartzea eta odol transfusioak egitea.
USADAk ziurtatu du Armstrongen 2009. eta 2010. urteetako odol laginak dituela, eta agentziak uste du txirrindulari ohiak ez ezik, Armstrongen taldeko hainbat kidek ere auzian zerikusia dutela. Michele Ferrari medikua eta Johan Bruyneel kirol zuzendaria daude tartean.
Irabazitako Frantziako zazpi Tourrak gal ditzake Armstrongek.
