Arratek ez du ezer jokoan gaur Ipuruan Almeriaren aurka

Arratek Almeria hartuko du gaur Ipuruan, Asobal Ligako azken partidan (18:30). Eibartarrek ez dute ezer jokoan, aspaldi ziurtatu baitzuten datorren denboraldian maila nagusian aritzeko eskubidea. Almeriarentzat bada erabakigarria gaurko partida. Espainiako taldea azken aurrena da, jaitsiera postuetan. Puntu batera du Torrevella, bere aurkari nagusia mailari eusteko. Beraz, gaur irabazi beharra du. ABF Superligan, berriz, Itxakok eta Akaba Bera Berak azken aurreko jardunaldia jokatuko dute. Lizarratarrek Astroc Sagunttxapeldunari egingo diote bisita, eta donostiarrek Foto Prix Castellfells hartuko dute. 19:00etan hasiko dira bi partidak.