Berdintzearekin amesteak ere gehiegizkoa dirudi. Bartzelonak sasoi honetan ligan jokatu dituen partida guztiak irabazi ditu. Zaila dela dakite Arrateko jokalariek, eta ongi aritu arren normalena partida galtzea dela. Halere, ez dute amore eman nahi, eta aurkaria estutzen saiatuko dira gaur, 18:30ean, Bartzelonan.
Sergio Cid hegalekoak «guztia ematera» eta «gozatzera» joango direla ziurtatu zuen atzo. Julian Ruiz entrenatzailea, berriz, pragmatikoagoa izan zen: «lan zama berreskuratzeko eta jokaldiak barneratzeko erabiliko dugu partida; gure mailako taldeekin lehiatzen dugunerako». Bartzelonaren ostean, Ciudad Real eta Ademar Leon datoz. Egutegi zaila gipuzkoarrentzat.
Arratek itxura ona eman nahi du gaur Bartzelonaren aurka
Zaila izango dute gipuzkoarrek kataluniarren pistatik punturen batekin itzultzea (18:30)
Iruzkinak
Ez dago iruzkinik
Ordenatu
